ANQARA - Wezîrê Edaletî Akin Gurlek, derheqê destbendkerdişê dewa vînîbîyayîşê Gulistan Dokû de va: "Çi beno wa bibe, bi qerardarî yena cigêrayîş."

 

Ewro serê sibayî, cipersayîşê vînîbîyayîşê wendekara Zanîngeha Mûnzûrî Gulistan Dokû ke 5ê çeleyê 2020ine de Dêrsim de vînî bîbî, 11 kes ameyî destbendkerdiş. Semedê di kesê bîn zî fermanê zevtkerdişî ame dayîş. Wezîrê Edaletî Akin Gurlek, bi rayîrê platformê medyaya sanal Xî de derheqê averşîyayîşê dosya de va: "Pêwa tu guman yan îdia bêro peygoşkerdiş; çi beno wa bibo, bi qerardarî yena  cigêrayîş. 

 

Akin Gurlek eşkerayîya xo de wina va: "Ez dejê keyeyê Dokûye pare kena ke bi sebrêk pîlî nê prosesê xidar û hîra taqîb kerd; ez sipasiya Serdozgerîya Komare ya Tûnceliyê kena ke bi fedakarî semedê edaletî xebityena û polîsê ma bi xîret xebityenê. Goreyê vîzyonê Serekkomarê ma yê 'Seserra Tirkîya do bibo Seserrê Edaletî', ma do heta ke hedîseyêk kerdox nêdîyar nêmano, pêro çimeyê hiqûqî seferber bikerê’.