DÊRSIM - Avûkata keyeyê Gulîstan Doku, Alî Çîmen, verê edlîyeyî de derheqê cipersayîşê Gulistan Doku de qisey kerd û dîyar kerd ke ê paweyê demêk nêzdî de selahîyetdarêk payeberz ê pêroyî bêro tepiştiş.

 

Dimayê averşîyayîşê neweyî cipersayîşê derheqê vînîbîyayîşê Gulistan Doku ya wendekara Beşê Averşîyayîşê Tutan ê Zanîngeha Munzurî yê Dêrsimî de 5ê çeleyê 2020ine de ameye vînîkerdiş, avûkatê keyeyî, Alî Çîmen, verê edliye de eşkerayîyêke da.

 

Alî Çîmen cewabê persê rojnamegeran de dîyar kerd ke hûmara destbendkerdişan eşkeno zêde bibo û va: "Mi tewr peyîn erjnayîşêk kerd. Labelê, seke mi va, no karmendo payeberz ê pêroyî ganî demêk nêzdî de bêro tepiştiş. Dimayê ke cipersayîş biqedîyo, ma do agahdarîyê hîra bidê rayapêroyî.

 

Nika dosya ser o fermanê nimite est o. Ma keso ke ci de babeta sey 'karmendo payeberz ê pêroyî' pênase kenê. Nê semedî ra, semedê mi munasib nîyo ke ez erjnayîşêk hîra ey ser o bikerî. Labelê, ganî o zî lezkî bêro tepiştiş.”