MERKEZÊ XEBERAN - Şerê Îsraîl-DYA û Îranî roja 20ine de dewam keno. Îsraîl bi hêrişanê sekvanî sewîyeyê berzan ê Îranî hedef gêno, Îran zî hêrîşê welatanê Kendavî keno.

 

Hêrişanê Îsraîl-DYAyî yê hemverê Îranî ke 28ê sibatî de dest pêkerdî, roja 20ine de dewam kenê. Îsraîl-DYA temamê şewe hêrişanê xo domna, Îran zî hêrîşê welatanê Kendavî û hînî herêmanê Filistînî kerd. Pêwa dewamkerdişê hêrişan her di hetanî ra hûmareyê merdeyî zêde bena.

 

Îran cewab da hêrişan

 

Îran zî cewab da, caardişê hêrişan de hînî taxanê Tel Avîvî yê paytextê Îsraîlî de îstasyonêk trenî zirar dî, dîyar bî ke tewr tay 2 kesî dinyaya xo bedelnayî. Pêwa nê zî hêrişanê Îranî de, vîndîbîyayîşê canî yê Îsraîlî resay 15 kesan. Ewro medyaya Îsraîlî neql kerd ke çar cinîyê filistînî Şerîayê Rojava de dinyaya xo bedelnayê. Sewbîna goreyê xebere, herêma Şaronî ya Îsraîlî de xebatkarêk bîyanî yo 20 serre zî dinyaya xo bedelnayo. Îran temamê şewe sere de Îsraîl, hêrişanê hemverê welatanê Erebî, Qeter, Erebistanê Siûdî û Yewîya Emîrtîyanê Ereban domna.

 

Ame zanayîş ke şewa çarşeme ra, Kirmaşanî de xeta telefonî û înternetî hetê hêzê rejîmî ra ameyê birnayîş û bajar ameyo ablûqakerdîş. Dîyar bî ke hêzê çekdar û xebatkarê bi cilê sivîlan, taxanê sey Kasrayî mîyan de zafê kuçeyan û herêman de bica bîyê.

 

Vizêrî, reya yewine, herêmê Reştî û Bandar Enzalî zî bîyî hedefê hêrişanê asmênîyê Îsraîl û Amerîkayî. Tesîsatê gazî yê Asaluyeh û Parsa Başûrî mîyanên hedefê bînan ê vizêrî de bî ke rastê hêrişan ameyî, û no bî sebebê nêrazîbîyayîşêk hîra.