COLEMÊRG - Geverî de, vizêrî bi hezaran kesî fotografê Rayberê Şarê Kurdî Abdullah Ocalanî girewtî û mesajê semedê azadîya Abdullah Ocalanî yewîya lazim a dayî û Newroze pîroz kerdî.

 

Qezaya Geverî ya Colemêrgî de bi sloganê “Newroza Azadî û Yewîya Demokratîk” wareyê fûtbolî de vizêrî Newroze ameye pîrozkerdîş. Temsîlkarê partîyê sîyasîyan, rêxistinê komelî, dayîkanê aştîye û bi des hezaran welatijî bi cilê neteweyî, bi rengê kesk, zerd û sûrî wareyê Newroze xemilnayî. Wareyî de coş û kelecanêk pîl estbî û sloganê “Bijî Serok Apo”, “Jin, jiyan, azadî” û “Bêserok cuye nêbena” ameyî vengdayîş. Pîrozbayîye de ciwanê Geverî fotografê Rayberê Şarê Kurdî Abdullah Ocalanî berz kerdî û waştişê azadîya fîzîkî ya Abdullah Ocalanî ame kerdiş. Sewbîna Endamê Konseya PYDyî Salîh Muslim zî nêame xovîrrakerdiş.​​​​​​​​​​​​​​​​