Melîke Aydin

 

STENBOL – Karavana Şarî ra Anna Ellenberger dîyar kerd ke Tirkîya de polîtîkayê teda û nefretî taqîb kerdê û va: “Semedê ablûqayê Rojawanî ser o bêro şikinayîş ganî têkoşînê global û hêvî bêro pîlkerdiş.”

 

Çarçeweya Karavana Şarî de koma aktîvîstê mîyanneteweyî ya ameyî Tirkîya xeylêk kesî dekewtişê Tirkîya de ameyî destbendkerdiş û deportkerdiş. Karavana Şarî ra Anna Ellenberger qisey kerd û da zanayîş ke cimatê mîyanneteweyî têgêrayîşê kurdî baş nêzano. Anna Ellenberger wina va: “Tirkîya û yê piştîdayîşê înan danê nefret û kêfê xo domnenê. Sûrîye de sey aştî est a nîşan danê labelê ganî zextê mîyanneteweyî bidomîyo.”

 

‘Ma zihniyetê înan de nefret dî’  

 

Anna Ellenberger da zanayîş ke tecrubeyê Tirkîya bi xof ê labelê eynî wextî de çimê merdiman akenê û va: “Ma dî ke dewlet û yê piştîdayîşê înan danê senîn şîdet û bi kêf têgêrenê. Derheqê destbendkerdiş û deportkerdişê ma de tu agahî nêdayî. Ma caardişê nêbaş dî. Semedê awe û şîyayîşê tuwaletî ma têkoşîn da. Ma têgêrayîş û nêzdîbîyayîşê înan de nefret dî. Ma hîs kerd ke ganî heme kes bikewê mîyanê têgêrayîşî û qisey bikerê. Semedê xeylêk tepiştiyê sîyasî û binê tedayî de yê. Tedayî dewam kenê.”

 

‘Ma wazenê bale biancê babete ser’

 

Anna Ellenberger dîyar kerd ke ê sey Karavana Şarî demêk kilm de bajarê cîya çalakî, protestoyan û akerdişê standan plan kerdê û wina dewam kerd: “Ma do kuçeyan de merdiman dir qisey bikerê, broşuran vila bikerê û xebatê hişmendîyê bikerê û balê biancê babete ser. Ma wazenê welatê xo de zî îdarekarîya xoserî awan bikerê û cimatê xo rêxistin bikerê.”

 

‘Ganî zextê mîyanneteweyî bidomîyo’

 

Anna Ellenberger dîyar kerd ke çapemenîya terefgire sey ke Sûrîye de aştî pê ameya, çareserî pê ameya mojnena labelê hema Kobanê binê ablûqayê de yo û wina va: “Ganî wareyê mîyanneteweyî zextê xo bidominê. Semedo ke hema rewşe uca baş nêbîya. Rojawan semedê kapîtalîstan û îqtîdaran ters û tehluke yo. Modelê Rojawanî semedê kapîtalîst û emperyalîstan tehdîd awan keno. Ganî merdim tarîxê têgêrayîşê kurdî bimusê. Têkoşînê înan bi heybet o. Bawerkerdiş û hêvî xeylêk muhîm o. Nê semedî ra zî dimayê hêrişan, enternasyonalîstan waşt ke kîşte têgêrayîşê şarê kurdî de ca bigîrê.”