MERKEZÊ XEBERAN - UNICEF’î eşkera kerd ke 11ine çeleyî ra hezar û 229 kesî ke 298 ci ra tut ê, Heleb ra resayî Vakur û Rojhelatê Sûrîye.

 

UNICEF’î neql kerd ke zêdebîyayîşê şer û pêrodayîşê peyîn Helebî û derûdorê do tutî û keyeyê înan mecbûr kerdî ke malanê xo vejîyê û Vakur û Rojhelatê Sûrîye asayîş bivînê.

 

Goreyê dayeyê UNICEF’î, 11ine çeleyî de hezar û 229 kesî ke 298 ci tut ê, dimayê ke serpêhatîyê xidarî derbas kerdî, resayî stargehê Reqa, Tebqa, Hesekî û Qamişloyî.

 

6ê çeleyî de, taxanê Şêxmeqsûd û Eşrefîye yê Helebî rastî hêrişê xidarî yê çeteyê hukmatê demkî yê Sûrîye ameyî. Netîceya topbaranî de xeylêk sivîlî şehîd û birîndarî bî û bi seyan zî koçber bî.