MERKEZÊ XEBERAN - Parlamentera Partîya Keskî ya Awustralyayî Abigail Boyd, hêrişê taxanê kurdan yê Helebî û herêmê Rojawanî ser o şermezar kerd û piştîdayîşê xo yê semedê Rojawan û Rojhelatê Kurdistanî ardî ziwan.

 

Abigail Boyd va: “Rojawanî ke bi serkêşîya kurdan sey îdareyê xoserî yeno zanayene û vakurê Sûrîye ca gêno ke binê serekîya kurdan de ame awankerdiş, binê tehdîdê pîlî yê bîyayîşî de yo. Rejîmê Sûrîye û milîsê Îslamî hedef kenê ke îdareyê xoserî yê kurdan bi rayîrê teda, zordarî û koçberkerdişê bi zorî orte ra wedarnê.”

 

Dewamîyê eşkerayîye de nê çî ameyî vatene:

 

“Hewteyê vîyarte Helebî semedê pêrodayîşê ke 5 rojî dom kerd, bi des kesî dinyaya xo bedelnayî û zêdeyêrî 150 hezar kesî mecbur mendê koçê herême binî kontrolê îdareyê kurdan bibo.

 

Sewbîna Rojhelatê Kurdistanî, hemverê zordarîyê rejîmê Îranî bi serkêşîya kurdan xoverdayîşê xurt dewam keno. Hemverê şarê ke waştişê azadî, rûmet û heqê çarenûsê keno, sîyasetê destbendkerdişê komî, dardekerdişî û cezakerdişê kolektîf bi hawayêko sîstematîk yenê caardiş.

 

Semedê xurtkerdişê pêgirewtişê xo şarê kurdî dir û destekdayîşê îdareyê xoserî yê Rojawan û Rojhelatî, ma do 17ê çeleyî de Town Hallî ya Sydney de bêrê têhet.

 

Semedo ke ez Sydney de bi şarê kurdî û pawitoxê heqê merdiman eynî xete de vindenê, zaf serberzî yê. Ma pîya veng danê venga mîyanneteweyî yê semedê pawitişê Kurdistanî.”