ANQARA – Abdullah Ocalan semedê merasîmê cenazeya rojnameger Huseyîn Aykol mesajêk şirawit û va: “O roşnvîr û rojnamegerêko ke bibi vengê heqîqetî û şorişgirêko ke cayê ey nîno pirrkerdişî yo. Ma serkêşêk enternasyonalîst vindî kerd. Pêro cuya xo ya têkoşerî de bi qelem û helwestê xo her tim bi serkêş, rayîr mojna û şorişgirêko mîsal o.”

 

Semedê kedkarê Çapemenîya Azad rojnameger Huseyîn Aykolî Sehneyê Yilmaz Guneyî yê Şaredarîya Çankayayî de merasimê cenazeye yeno viraştiş.

 

Merasim de mesajê Rayberê Şarê Kurdî Abdullah Ocalanî yê derheqê Aykolî ame wendiş. Mesaj hetê endamê Heyetê Îmraliyî yê DEM Partî Faîk Ozgur Erolî ra ame wendiş.

 

Mesajê Abdullah Ocalanî winî yo:

 

“Ma semedê merdişê Mamoste Huseyînî xemgînîyêk gird de yê. Vernî de semedê keyeyê ey, semedê Çapemenîya Azade, semedê hevalanê ey yê têkoşînî, semedê hogir û heskerdoxanê ey sersaxî wazenê.

 

Waştişê ey yê peyên o bî ke mi dir pêvînayîş bikero. O waştişê ey semedê mi bi qîmet û manayîn o. Mamoste Huseyîn dir ma serranê 90ine de îmkanê pêvînayîş û roportajî dî. Eke no merdişo bêwext nêbîyayîne mi waştêne ey bivînî û ey dir sohbet bikerî.

 

O şexsêk enternasyonal bi ke cuya xo semedê şoriş û têkoşînî terxan kerdbi. Şexsîyetêk zerrîwaz û kedkar bi.

 

O roşnvîr û rojnamegerêk bi ke vengê heqîqetî û şorişgirêk ke cayê ey nîno pirrkerdiş o. Ma serkêşêk enternasyonalîst vindî kerd. Pêro cuya xo yê têkoşerî de bi qeleme û helwestê xo de her tim bi serkêş, rayîr mojna û şorişgirêk mîsal o.

 

Verê mi de o zî sey Gurbetellî Ersoz û Sirri Sureyya Onder hevalêk têkoşînî yê bêhempa bi.

 

Cuya Huseyîn Aykol nîşaneya zelal a cigêrayîşê heqîqetî û mesûlîyetê cimatî ya. Hemverê tarîtîye vengê heqîqetî bi û o serê rayîrê Çapemenîya Azade de qet sere netewêna.

 

Ey cuya xo semedê azadîya şaran feda kerd. Têkoşînê têduştîye de qet zerrgiranî nêkerd û bi bawerîyêka xurt heta henaseyê xo yê peyêne na ale destê xo ra nêda ro û çîyê lazimî bi layiqî ca ard.

 

Têkoşînê ey, îdealanê ey û keda ey do wîcdanê nê erdan de heta peynî gane bêro verdayîş.

 

Ma do bibê wezîfedar û taqîbkerdoxê îdealanê ey ke pey xo de verda, fehm, têkoşîn û keda ey ya gird.

 

Ma do yadkerdişê ey têkoşînê xo de her tim gane verdê û bidê cuyayîş.

 

Reyna semedê keyeyê ey, çapemenîya azade, hevalê ey yê têkoşînî, dost û heskerdoxê ey rê sersaxî wazenê.

 

Îmrali”