Rabîa Onver- Pelşîn Çetînkaya

 

AMED - Ozden Gurbuz Sumer perspektîfê “Şarê Cinîyan” yê hemverê çinhesibnayîşê cinîyan ya cuya bajarî de qal kerd û da zanayîş ke bajarî bi zihniyetê serdest ê camêrdan yenê awankerdiş û va: “Bajarê têduşt û asayîşîn ê ke zanayîşê, bi tecrube û vîrê cinîyan form benê.”

 

Amed de bi kombîyayîşêko gird Partîya Têduştî û Demokrasîyê Şaran (DEM Partî) qerar girewt ke Amed, Nisêbîn, Gever, Artemêt û Cizîr sey bajarê cinîyan newe ra awan bikerê. Bi nê modelî heqê cuyayîşê cinîyan danê vernî.

 

Sereka Daîreya Xizmetê Cinî û Keyeyî Ozden Gurbuz Sumer derheqê bajarê cinîyan de qisey kerd.

 

‘Ma behsê modelêko ke her kes ci ra feyde gêno kenê’

 

Ozden Gurbuz Sumer va bajarê cinîyan tena fikir nîyo û semedê cinîyan muhîmîyê bajarê cinîyan gird o û va: “Dinya de bajarê dostê cinîyan est ê. Şarê ke bi vîr, tecrube, fikrê cinîyan form girewtê û hetê mîmarî û zaf waranê bînan de bajarê asayîşinî û têduştî est ê. Ma behsê bajaranê ke bi fikrê azadîwaz ê cinîyan kenê. Labelê tena cinî nê ma behsê modelêko ke zaf hetê bajarî ci ra feyde gênê kenê.”

 

‘Bajarî bi zihniyetê serdest ê camêrdan ameyê awankerdiş’

 

Ozden Gurbuz Sumer dîyar kerd ke bajarî bi seserran hetê camêrdan ra yenê awankerdiş, mîmarî heta her nuqteyê fehmê xizmetî cinî teberê nê de ameyê girewtiş. Ozden Gurbuz Sumer nê çî va: “Cinîyan bedelê gird ê nê ciwîyayî. Feqîrîye ra heta şîdetî her cinsê binpaykerdişî est ê. Ma cinî bi awankerdişê bajaran cinîyan bi bawer ê. Bi na bawerîye do bajarê cinîyan bikewe cuyayîş. Vernîya 2015ine pratîkê ma yê Nisêbînî est o. Pratîkê ma yê pîlotî est ê. Bi nê vîrê xo bi nê tecrube ya xo ma wazenê newe bajarê cinîyan bikerê cuye.”

 

‘Proje muhîm û bi qîmet o’

 

Ozden Gurbuz Sumer dîyar kerde ke ê behsê modelê ke herêmî, STO, koperatîf û meclîsê şarî ra wayîr benê kenê û wina dewam kerd: “Cayê xizmetê tewr gird zî şaredarîye yo. Nê di serrî yo ma nê xizmetî domnenê. No tena îfadekerdişê nîyetî nîyo. Na xebateka ke perspektîfê têkoşîn û xebate ci dir ano yo. Nê semedî ra zî na xebate semedê ma muhîm û bi qîmet a. Ma na babete de waştişê cinîyan goşdarî kenê. Ma taxan pêvînayîş kerd. Pêvînayîşan de ma fikrê cinîyan, pêşnîyazê înan girewt. Ma xebatanê xo nê hetî de domnenê. Cinî merkezê bajaranê. Hewzê ma yê pêşnîyaz û fikrî est ê. A hewze xo ra xerîta rayîrî ma vejenê. Do meclîsa bajarê cinîyan zî bêro awankerdiş. Hêvîya ma na ya ke nê projeyî ma bivurnê polîtîkaya pêroyî.”