MERKEZÊ XEBERAN - Pawitoxa heqê merdiman Nêrgiz Mihemedî û aktîvîstê ke semedê tewrbîyayîşê merasîmê yadkerdişê avûkat Xusrew Elî Kurdî ke bi hawayêko gumanbar dinyaya xo bedelnaye ameyî destbendkerdiş, 14 rojî yo nîno zanayîş ke ça de yê.

 

Roja 12ê kanûne bajarê Meşhedî de demê merasîmê yadkerdişê avûkat Xusrew Elî Kurdî de Xelatgirewtoxa Aştîye ya Nobelî Nêrgiz Mihemedî, çalakîkere Sepîdeh Qoliyan, Buran Nazimî û 5 çalakîkerê bînî ameyî destbendkerdiş. 14 rojî yo keye û avûkatan Nêrgiz Mihemedî ra tu agahî nêgirewtî.

 

Keyeyê Nêrgiz Mihemedî eşkerayîye hesabê xo yê medyaya dîjîtalî ser o pare kerdî de, dîyar kerd ke dimayê destbendkerdişê aktîvîstan derheqê rewşa înan ê weşîye de tu agahî nêgirewtê. Keye dîyar kerd ke Nêrgiz Mihemedî nika hucreyê yewkesî de yena tepiştiş û endîşeyê înan zaf zêde bîyê. Parekerdişo ke reaksîyon nasnêkerdişê heqê pêvînayîşê Nêrgiz Mihemedî mojnayî de, dîyar kerd ke nêgirewtişê agahîyan qebûl nêbeno. Eşkerayîye de ame dîyarkerdiş ke ganî têkilîyê Nêrgiz Mihemedî û aktîvîstanê bînan bêro nasnayene û heqê bingehî yê resayîşê xizmetê weşîye bêro nasnayene û îşaret bi endîşeyê keyeyan kerd.

 

Keye da zanayîş ke Nêrgiz Mihemedî bi serran hucreyê yewkesî yê zîndanî de têkoşîn kerda. Waştî ke lezkî rayîr bêro dayîş ke têkilî aye dir bêro dayîş û derheqê rewşa aye û tepişteyê bînan de agahîyê zelal bêrê parekerdiş û bêşert bêrê veradayene.