Oznur Deger-Buşra Turan

 

WAN - Cinîyan derheqê waştişê aştîye de ercnayîş kerdî û vatî, aştî azadîya cinîyan de nimite ya û vatî, sere de Abdullah Ocalan û heme tepişteyê sîyasî ganî bêrê veradayîş û heqê perwerdeyî bi ziwanê dayîke bêro dayîş.

 

Vengdayîşê Rayberê Şarê Kurdî Abdullah Ocalanî yê ‘Aştî û komelê demokratîkî’ ke 27ê Sibate de kerd 8 aşmî peynîya xo de vîyarna. Nê prosesî de rayapêroyîyê Rojhelatê Mîyanêne û dinya, şahidîya demê tarîxî kerd û hetê zemînê hûqûqî de yeno pawitiş ke hukmat game bierzo.

 

Cinîyê Wanî derheqê aştîye û gamanê ke ganî bêrê eştiş de qisey kerdî. Waştişê pîya yê cinîyan aştî bî û dîyar kerdî ke aştî, azadîya cinîyan de nimite ya û ganî sere de Abdullah Ocalan û heme tepişteyî bêrê veradayîş.

 

Derya Demîr: Welat de hewceyê aştîye est o. Aştî çinî bo tu mana ya cuye çin o. Her cayî de şer est o. Ma hetê ekonomî de vînî kerd. Wa gonî nêrijîyo. Aştî bica bêro ma do heme rehet bikerê. Wa heme tepişteyî bêrê veradayîş.

 

Necla Kaçar: Ma aştî wazenê. Wa ciwanî nêmirê. Zîndan de bi hezaran merdimî est ê. Ganî Abdullah Ocalan bêro veradayîş. Ganî cinî semedê aştî û azadîye têkoşîn bikerê. Ganî ma cinî zî semedê aştî û azadîye têkoşîn bikerê.

 

‘Ganî heqê cinîyan bêro nasnayîş’

 

Elzem Sevîk: Ganî muhîmî cinîyan rê bêro dayîş. Ma nêeşkenê bi hawayêkê azad vejîyê teber. Ganî cinî her cayî de wayîrê vatişî bê. Bê cinîyan aştî nêbeno. Ganî her wareyî de heq bêro nasnayîş. Cinî serkewte yê la heq bêro dayîş do hîna zêde serkewte bibê. Ganî heme tepişteyê sîyasî bêrê veradayîş.

 

‘Ganî aştî bi ziwan dest pêbikero’

 

Berîvan Adiyaman: Aştî ganî bi ziwan dest pêbikero. Ziwanê dayîke dest pêkeno. Ganî cinî serkêşê aştîye bê. Wextê azadî semedê cinîyan bica bêro do semedê welat û dinyaya zî aştî bica bêro.

 

‘Ma şer nê, aştî wazenê’

 

Nurcan: Ma aştî wazenê. Ma wazenê tutê ma bi rehetî şêrê mektebanê xo. Ma şer nê, aştî wazenê. Ma wazenê bi pîya bawer bikerê. Ma cinî azadî wazenê.

 

Siyaxal: Ma aştî wazenê. Ma wazenê heme tepişteyê sîyasî bêrê veradayîş.

 

Zîlan înan: Ganî kurdî û tirk sey wayê û bira biewnê yewbînan ra. La hema nîjadperestî yeno kerdiş. Ma aştîya wina nêvînenê. Ganî no werte bêro wedaritiş. Zaf merdimî bêguna tepişte yê. Ganî heme tepişteyê sîyasî bêrê veradayîş.

 

Zîlan Kartal: Kes nêeşkeno welat îdare bikero. Ganî cinî welat îdare bikerê. Dewlete têduştî nêgerena. Ganî ma heme azad bê. Ganî ma bi ziwanê xo qisey bikerê. Wextê ma bi ziwanê xo qisey kenê vanê, şima terorîst ê.

 

Emîne Çalişkan: Ma gamanê ke ameyî eştiş pozîtîf vînenê. Ganî nika aştî bica bêro. Ma zaf dej anto. Ma nika nêwazenê nê dejî bêrê ciwîyayîş.

 

Zahîde Bahadir: Ganî aştîyêk weş bica bîyarê. Ma aştîyêka ke her kes ci de cuya xo azad derbas kenê wazenê. Wa kes nêmiro. Wa şer biqedîyo.

 

‘Ganî heq bêro nasnayîş’

 

Mahsîma Eren: Ma aştî û azadî wazenê. Wa şer biqedîyo û kes nêmiro. Ganî heme tepişteyê sîyasî bêrê veradayîş, heq bêro nasnayîş.

 

Nurten Eren: Ez wazena şer biqedîyo û aştî bica bîyarê. Nika bes o. Ganî heme tepişteyê sîyasî bêrê veradayîş.

 

Macîde Varhan: Semedê aştîye ganî heme kes têkoşîn bikero. Şer çareserî nîyo. Aştî çîyêk weş a. Ganî heme şar pîya û mîyanê aştîye de biciwîyê. Wa dayîk nêbermê. Wa şer biqedîyo. Aştî cuye ya.

 

Fedile Elmas: Ma wazenê mekteban de bi ziwanê xo qisey bikerê. Tutê ma şênê mekteb la nêeşkenê bi ziwanê xo qisey bikerê. Perwerdeyê bi kurdkî nêgînê. Vera heme çîyan ganî tepişteyê sîyasî bêrê veradayîş.