AMED - Firina ke hetê Şaredarîya Peyasî ra amebî destpêkerdiş û nêzdîyê qedîyayîşî ya, semedê nêweşanê Çol-Yakî dest bi viraştişê cerbnayîşî yê berardişanê bêglutenî kerd.

 

Şaredarîya Peyasî semedê nêweşanê Çol-Yakî projeyê viraştîşê firne û parka cuye 9ê Gulane Roja Dinya ya Çol-Yakî de dest pêkerdibî. Firna ke nêzdîyê qedîyayîşî ya, viraştişê cerbnayîşî yê berardişan dest pêkerd. Hemşaredarî Bêrîvan Gulşen Sîncar û Cengîz Dundar, xebatê viraştişê ceribnayîşî cayê ci de kontrol kerdî û derheqê firne û prosesanê bînan ê viraştişî de agahî girewtî. Hemşaredaran va ke semedê pêşkêşkerdişê berardişanê weşîye û bêglutenî, bi taybetî semedê nêweşanê Çol-Yakî û heme şarî, xebatî nêzdîyê qedîyayîşî yê û wina va: “Semedê xizmetêkê tewr weşî, ma xebatan vernîya xo de gênê û domnenê. Parke de zî û firine de zî xebatî nêzdîyê qedîyayîşî yê. Ma berardişanê bi kalîte û zêdekerdişê tewir bi tewir berardişan israr kerd. Na çarçewa de, ma dest bi prosesê ceribnayîşî yê viraştişê berardişan kerd. Nêzdî de ma do bi metodêk qedîyayî nê xizmetî dest pêbikerê û bikerê xizmetê şarî.”

 

Firine û parka Çol-Yakî

 

Proje wareyê 9400 metrekare ser o ameyo awankerdiş û nê projeyî dir, resnayîşê berardişanê wwşîye û wareyê boydayîşî yeno armanckerdiş. Firine de berardişê sey nan, kûlîçek, simît, pasteyanê wuşk û şil, pîza, qeşa û zaf berardişê bînî do bêrê viraştiş.