ANQARA - MYK’yê DEM Partîye bi rojeva Prosesê Aştî û Komelê Demokratîk û averşîyayîşê rojeve de kom bi.      

 

Heyetê Îdareyê Merkezî (MYK) yê Partîya Têduştî û Demokrasî  (DEM Partî), bi serekîya Hemserekê Pêroyî Tulay Hatîmogûllari û Tuncer Bakirhan kom bi. 

 

Kombîyayîş do di rojan dewam bikero û xeylêk babetî do bêrê munaqeşekerdiş. Goreyê agahîyê ke ameyê bidestkerdiş, kombîyayîş de do averşîyayîşê Rojhelatê Mîyanên û Tirkîya bêrê ercnayîş. Eynî wextî de averşîyayîşê çarçewaya Prosesê Aştî û Komelê Demokratîk de û xebatê komîsyona Meclisê bi wesîleya çareserîya meseleya kurdî ameyo awankerdiş, bêrê munaqeşekerdiş. Eynî wextî de do Pêşnîyazqanûnê Budçeyê Merkezî yê Serra 2026ine de zî bêrê munaqeşekerdiş. Hêrişê nîjadperestî yê demê peyîn de medyaya dijîtale ser o hemverê DEM Partîye yenê kerdiş zî rojeva MYK’yî de yê. 

 

Dimayê kombîyayîşî do Meclîsê Cinîyan ê DEM Partîye 26ê teşrîna verêne de û Meclîsê Partîye (PM) ê DEM Partîye zî 27ê teşrîna verêne de kom bê.