AMED - Mudirîya Polîtîkayê Cinîyan û Mudirîya Karê Weşîye yê Şaredarîya Peyasî bi hemkarîya şubeyê Sendîkayê Kedkaranê Weşîye û Xizmetê Komelî (SES) yê Amedî, dewa Akbîdekî ke girêdayê qezaya Peyasî ya, semedê cinîyan xebatêk agahdarkerdişî derheqê kanserê memikan de viraşt.

 

Şaredarîya Peyasî, çarçewaya “Aşma Hişyarkerdişê Kanserê Memikan” de, dewan de semedê cinîyan xebatanê agahdarkerdişî viraşt. Mudirîya Polîtîkayê Cinîyan û Mudirîya Karê Weşîye bi hemkarîya Şubeyê SESî yê Amedî, dewa Dankiranî de xebatêk agahdarkerdişî yê derheqê kanserê memikan de semedê cinîyan viraşt.

 

Na xebate de, agahîyê hîrayî derheqê kanserê memikan û muhîmîya teşhîskerdişê rewî cinîyanê dewe rê ameyî dayîş. Sewbîna yewîneyê weşîye yê şaredarîye, pêmawitişê tansîyon û şekrê gonî yê cinîyanê dewe kerdî û derheqê netîceyan de înan agahdar kerdî.