AMED - Platformê Ciwanê Welatperwer ke amadekarîyê semedê rayîrşîyayîşo ke ê do Amed û Bûrsa de bi sloganê “Rayberê azadîye dir ver bi cuya azadîye” virazê dewam keno, venga tewirbîyayîşî kerd.

 

Platformê Ciwanê Welatperwer eşkera kerd ke ê do 18ê teşrîna verênê de Amed û Bûrsa de bi sloganê “Rayberê azadîye dir ver bi cuya azadîye” rayîrşîyayîşêk virazê. Ciwanî amadekarîyê rayîrşîyayîşî dewam kenê. Rayîrşîyayîşê Amedî saete 17:00 de Pirda Alipinarî ya qezaya Rezanî de dest pêkeno û heta Bircê Ben û Senî ya qezaya Sûrî dewam keno. Dimayê eşkerayîyê de, heta serê sibayî “Nobeda Azadîye” do bêro girewtiş. Xeylê bajaran ra tewirbîyayîş do bibo.

 

Endama Piştîdayîşê Ciwanê Azadan ê Dîcleyî Medya Aslan derheqê rayîrşîyayîşî de ajansê ma JINNEWSî ra qisey kerd.

 

Endama Piştîdayîşê Ciwanê Azadan ê Dîcleyî Medya Aslan va ke azadîya Rayberê Şarê Kurdî azadîya heme şaran a û wina va: “Azadîya Rayber Apo tenya azadîya şexsî nîya. Eynî wextî de bingehê têduştîya şaran, cigêrayîşê çareserîya demokratîke û edaletî ya. No semed ra, armancê rayîrşîyayîşê ma no yo ke ma bi şîdet waştişê azadîye ardî ziwan. Azadîya Rayber Apo bingehê çareserîya demokratîke û mendişê meseleya kurdan a. Raybertî bingehê ciwanan de yo û sey ke timûtim eşkera kerd, ê serkêşê nê prosesî yê.”

 

 

Venga tewirbîyayîşî

 

Medya Aslan venga ciwanan kerd ke tewrê rayîrşîyayîşî bibê û waştişê xo ardî zîman û wina qiseykerdişê xo qedêna: “Ma ciwanan dir yew prosesê rêxistinkerdişî yê zehmetî kenê. Ma zanîngeh, taxe û wareyanê komelî de înan dir yenê têhet, armancê rayîrşîyayîşî û muhîmîyê waştişê aştiye û azadîye înan rê neql kenê. 18ê teşrîna verênê de, ma do Pirda Alipinarî ra ver bi Sûran rayîr ra şinê. Ma heme şarê xo yê welatperwer, bi taybetî ciwanan, dawet kenê ke tewrê rayîrşîyayîşê azadîya fîzîkî ya rayberê şarê ma Abdullah Ocalanî bibê.”