MERKEZÊ XEBERAN - Kongra Star neql kerd ke semedê Rayberê Şarê Kurdî Abdullah Ocalanî hezar û 575 mektubî Qamişloyî ra ameyî şirawitiş û va: “Rayber Apo, serkêşîya çareserkerdişê heme probleman keno.”

 

Rêxistina Kongra Star bajarê Qamişloyî yê Vakur û Rojhelatê Sûrîye de, derheqê mektubanê ke semedê Rayberê Şarê Kurdî Abdullah Ocalanî ameyî şirawitiş de eşkerayîyêke nuşteyî da çapemenîye. Eşkerayî verê Merkezê Kongra Starî û bi tewirbîyayîşê sazgeh û rêxistinê cinîyan ame dayîş.

 

Koordînasyona Kongra Starî Rîhan Temo eşkerayî wend û bale ant ser mektubanê cinîyan ke semedê Rayberê Şarê Kurdî Abdullah Ocalanî ameyî şirawitiş. Rîhan Temo wina va: “Semedê caardişê edalet, demokrasî, aştî û têduştî, Kongra Star tewrê kampanyaya ‘Ez wazena Rayber Apo dir azad biciwîya û Rayber Apo bivîna’ bîya. Semedê na kampanya Qamişlo de çalakî ameyî viraştiş. Semedê vengdayîşê Aştî û Awankerdişê Cematê Demokratîkî, Qamişlo de rayîrşîyayîşî ameyî viraştiş. Kongra Star û cinîyê Herême serkêşîya rayîrşîyayîş û çalakîyan kerd. Sewbîna, panelî rolê Rayber Apoyî Aştî û Awankerdişê Cematê Demokratîkî ser de û Çareserkerdişê Meseleya Rojhelatê Mîyanênî de ameyî viraştiş. Manîfestoyê Aştî ame wendiş û fikrê şarî ameyî girewtiş.”

 

Rîhan Temo neql kerd ke tewr peyîn derheqê mektubê ke hetê cinîyanê herêmî ra semedê Rayberê Şarê Kurdî Abdullah Ocalanî ameyî nuştîş de agahî da û va: “Cinîyan bi hêvîya ke Rayber Apo bi fîzîkî bîvînê, zêdeyêrî hezar û 575 mektuban da. Nê mektuban de hêvîya girde semedê ke rayîrê qanûnî vernîya Rayber Apo bêrê akerdiş, ameyî vatiş. Çike Rayber Apo çareserkerdişê meseleya Rojhelatê Mîyanênî de, qetîkerdişê aştiye de û xelaskerdişê krîzan ke ma ci ra derbas benê, ewro rolê xo yê tarîxî bi metodêk xurt û çalak kay bikero. Hemverê Komployê Mîyanneteweyî ke Rayber Apo ser o ame kerdiş ke waştî bi rayîrê komployî îradeyê şaran, bi taybetî yê şarê kurdî, bişiknê, ma têkoşîn kenê. Ma nê komployî şermezar kenê. Ma wazenê ke Rayber Apo bi fîzîkî azad bîvînê.”