ANQARA- Psîkanalîsta fransayîje Elîsabeth Roudinesco dîyar kerd ke a piştgirî dana ‘Vengdayîşê Aştî û Komelê Dmeokratîk ê Rayberê Şarê Kurdî Abdullah Ocalanî.

 

Psîkanalîsta fransayîje Elîsabeth Roudinesco derheqê ‘Vengdayîşê Aştî û Komelê Demokratîk ê Rayberê Şarê Kurdî Abdullah Ocalanî yê 27ê sibate Partîya Demokrasî û Têdıştî ya Şaran (DEM Partî) rê mektubêk erşawit.

 

Elîsabeth Roudinesco dîyar kerd ke a piştgirî dana prosesî û va: “Ez teqez paştî dana vengdayîşê cuya pîya û aştîya mabênê şaranê tirk û kurdan. Bi nê hewayî dinyaya ma ya têmîyan de demokrasîyêko rasteqîn eşkeno awan bibo. Ez bi keyfweşîyêka pîle tewrê paştîdayoxanê nê vengdayîşî bena. Nê prosesê aştî seba pêroyê dinya, bi taybetî seba Ewropa heme wextî ra zafêr lazim o. Ez hêvî kena ke xeylê entelektuel û sîyasetmedarê bînî beşdarê ma bibê. Nê têkoşînî de ez beşdarê şima bena û şima rê serkewtiş wazena.”