MERKEZÊ XEBERAN - Komîteyê amadekarî yê Newroza Edene û Mêrsînî bi eşkerayîyêke vengdayîşê tewrbîyayîşê her kesî kerdî. 

 

Newroza emser do bi sloganê “Rayberîya Azad Komelê Demokratîkî" bêro pîrozkerdiş. Komîteyê Newrozî yê Mêrsîn û Edeneyî derheqê pîrozbayîyî de eşkerayîye dayî û vengdayîşê tewrbîyayîşî kerdî. 

 

Mêrsîn 

 

Komîteya Amadekarî ya Newroza Mêrsînî derheqê pîrozbayîyê Newroze ke do 22yê adare de meydanê Tirmilî de bi sloganê "Rayberîya Azad Komelê Demokratîkî" bêro organîzekerdiş, awanîya DEM Partîye ya bajarî eşkerayîye da. Endamê komîteyî Hasan Cîde wina vat: “Ma bi coş û kelecan vengdayîşê Aştî û Komelê Demokratîkê Newroze pêşwazî kenê. Vengdayîşê birêz Ocalanî, mijdanîya destpêkê awankerdişê prosesêk newe yo. Semedo ke ma na mijdanî bi ruhê Newroze bi ser bikerê, semedê awankerdişê mercê azadî yê birêz Ocalanî û wayîrvejîyayîşê paradîgmaya komelê demokratîkî, herikyenê wareyê Newrozan. 7 serrî ra heta 70 serrî vengdayîşê ma pêro cinî, ciwan, tutî, karkerî, kedkarî, bindestî û sosyalîstî o yo ke beşdarê Newroza Azadîye bibê.” 

 

Edene 

 

Komîteya Amadekarî ya Newroza Edeneyî zî derheqê  pîrozbayîyê Newroza ke do 23yê adare de bi sloganê “Rayberê Azad Komelê Demokratîkî" tîyatroyê Mîmar Sînanî bêro organîzekerdiş, awanîya DEM Partî ya bajarî eşkerayî da. Hemserekê DEM Partîye yê Edeneyî Seyfettîn Aydemîr qisey kerd û ewil qirkerdişê hemverê elewîyan şermezar kerd. Seyfettîn Aydemîr, dîyar kerd ke înan startê Newroza Edeneyî dayê û venga tewrbîyayîşê Newroze her kesî rê kerd.