MERKEZÊ XEBERAN - Tora Heqê Merdiman ê Kurdistanî neql kerd ke çarenûsê 4 çalakîkerê kurdî yê ke semedê beşdarê çalakîya 8ê Adare bîyî, destbend bîyî, dîyar nîyo. Ame dîyarkerdiş ke pêwa cigêrayîşê dewam yê keyeyê cinîyanê kurdan zî tu  agahî nêameya bidestkerdiş.

 

9ê Adare de di cinîyê kurdî yê çalakîkerî yê bi nameyê Leyla Paşayî, Seqiz ra û Suheyla Metaî, Dêwlan ra bi sebebê ke tewrê çalakîyê 8ê Adare Roja Cinîyanê Dinya bîyê, hetê hêzê Îtlaetê Îranî ra ameyî destbendkerdiş. Heto bîn ra roja 10ê Adare zî bajarê Sine de di cinîyê çalakîkerî yê bi nameyê Soma Mihemed Rezayî û Baran Saedî bi sebebê tewrê merasîmê 8ê Adare bîyê, hetê hêzê Îtlaetê Îranî ra amebî destbendkerdiş.

 

Ame vatiş ke her di çalakîkerî bê fermanê dadwerî ameyê destbendkerdiş û berdê cayêk nêdîyar.

 

Tora Heqê Merdiman ê Kurdistanî derheqê rewşa çalakîkerê ke ameyê destbendkerdiş, neql kerd ke her çar cinîyê çalakîkerî ke semedê beşdarê çalakiya 8ê Adare bîyê, hetê hêzê Îtlaetî yê Îranî ra bê fermanê dadwerî ameyê destbendkerdiş, çarenûsê înan dîyar nîyo.

 

Ame dîyarkerdiş ke her çar cinîyanê kurdan rê destûr nîno dayîş ke keye û avûkatanê xo dir pêvînayîş bikerê.

 

Tora Heqê Merdiman dîyar kerd ke pêwa cigêrayîşî yê keyeyê înan, sazgehê asayîşî û dadgerî tu agahî nêdayê keyeyan.