STENBOL - MKG, DFG, DÎSK Basin-Îş, meydanê Şîşhanî de waştî ke qetilkerdişê rojnamegere Cîhan Bîlgîn û Nazim Daştanî şermezar bikerê, la polîsan hêrişê rojnamegeran kerd û xeylêk kesî ameyî destbendkerdiş. 

 

Qetilkerdişê rojnamegere Cîhan Bîlgîn û Nazim Daşdanî Meydanê Şîşhane yê Stenbolî de, bi serkêşîya Komeleya Rojnamegeranê Cinîyan ê Mezopotamyaye (MKG), Komeleya Rojnamegeran ê Dîcle Firatî (DFG) û DÎSK Basin-Îşî eşkerayîyêke şermezar bikerdêne. Xeylêk rojnamegerî, temsîlkarê partiyê siyasî û rêxistinê komelî tewrê eşkerayîye bîyî la polîsan hêrişê eşkerayîye kerd û rojnamegeran destbend kerdî. 

 

Kesê ke destbend bîyî nameyê înan wina yê: mûxabîrê Ajansê Mezopotamyaye (MA) Ferhat Sezgin, Melik Çelik, mûxabîra JINNEWSî Rozerin Gültekin, rojnamgerî; Salîha Aras, Gulîstan Dursun, Elîf Bayburt, Umut Taştan, Rojda Erez û Pinar Gayip, Enes Sezgîn, Osman Akin, Hayrî Tunç, Yadîgar Aygun, Serpîl Unal, Zeynep Kuray, Mustafa Subaşi, Dîlek Başalan, Newroz Unverdî, Samet Aya, Haci Ugîş, Ramazan Yavuz, Mehmet Onal, Ayten Bîngol, Serbulent Çîçek, Fethîye Kaçmaz, Yagmur Fîlîz, Fesîh Îlhan û xeylê kesî destbend bîyî.

 

Kesê ke ameyî destbendkerdiş berdîyayî Cadeyê Vatanî yê Fatîhî yê Mudirîyê Asayîşî.

 

Sewbîna girseyo bîn zî hetê polîsan ra ame ablûqakerdiş û nêverdayî ware ra vejîyê. Welatijê ke kuçe de kom bîyî zî bi sloganê "Çapemenîya azad nîna bêvengkerdiş" hêriş û destbendkerdişan şermezar kerd. Polîsan hêrişê girseyî kerd û xeylê kesî destbend kerd.