NAVENDA NÛÇEYAN - DMME'yê di biryara xwe ya derbarê Aysel Tuğluk de biryar da ku bendên 5/1, 5/3, 10 û 18 yên AÎHS'ê hatine binpêkirin. Dadgehê diyar kir ku fermana girtinê li ser gumanek maqûl a têrker nehatiye avakirin û bal kişand lser binpêkirinek eşkere ya azadiya ramanê. Her wiha biryar da ku girtina ku armanca wê tepeserkirina muxalefeta siyasî bû, xala 18 ya AÎHS'ê binpê kiriye.

 

Dadgeha Mafên Mirovan a Ewropayê (DMME) biryar da ku Tirkiyeyê di girtina Aysel Tuğluk a ku ji ber  Hevseroka Kongreya Civakên Demokratîk (KCD)  bû hat giritn, xalên 5/1, 5/3, 10 û 18 yên AÎHS'yê binpê kiriye. Dadgehê diyar kir ku girtina Aysel Tuğluk li ser "gumanek maqûl" nehatiye avakirin. Biryar da ku dadgehên herêmî li ser bingeha sedemên abstrakt ên wekî "cewherê sûc", "rewşa delîlan" û "metirsiya revê" bêyî ku nirxandinek kesane bikin, fermanên girtinê derxistine.

 

Nirxandinek di çarçoveya azadiya ramanê de

 

Her çend hate gotin ku axaftin û çalakiyên Aysel Tuğluk di çarçoveya Kongreya Civaka Demokratîk (DTK) de divê di çarçoveya azadiya ramanê de li gorî xala 10'emîn a AÎHS'êy werin nirxandin jî, DMME'yê destnîşan kir ku girtina wê ya 15 mehan ji ber van axaftinan binpêkirinek eşkere ya azadiya ramanê ye. Dadgehê dît ku girtina Aysel Tuğluk armanca veşartî ya "tepeserkirina muxalefeta siyasî û sînordarkirina pirrengiya demokratîk" ku xala 18'emîn a AÎHS'ê  binpê dike. DMME'yê biryar da ku îstismarkirina di dema rewşa awarte (OHAL) de nikare van binpêkirinan rewa bike.

 

Binpêkirina xala 18'an

 

Gilînameya ji bo gihîştina dosyayê (5/4) ji ber nebûna delîlên berbiçav nehat qebûlkirin. DMME'yê 16,000 € ji bo tazmînata manewî û 1,500 € ji bo lêçûnên dadgehê ji bo ku ji Aysel Tugluk re bê dayîn biryar da. Dadgehê her wiha bi bîr xist ku cezayê 10 sal girtîgehê yê Aysel Tuğluk ji ber "endamtiya rêxistinê" di sala 2018'an de li ser îtîrazê hatibû birîn û tekez kir ku girtina wê ji bo armancên siyasî û tepeserkirina nîqaşa demokratîk pêk hatiye.

 

'Biryarek adîl ji bo herkesî'

 

Hevberdevka Kongreya Demokratîk a Gelan (HDK) Meral Daniş Beştaş, li ser hesabê xwe yê medyaya dîjîtal derbarê binpêkirinê de ev daxuyanî parve kir: "Biryara Aysel Tuğluk ne tenê 'biryarek adîl'  ji bo kesekê/î ye; ew biryarek adîl ji bo her kesê ku ji ber raman, nasname û gotinên xwe hatiye cezakirin e." Lêbelê, vê biryarê salên ku ji jiyana Aysel Tuğluk hatine dizîn, tenduristiya ku wê winda kiriye û gelek tiştên din jî bi bîr xistiye! Wê zirara kûr a ku edaleta derengmayî dikare li ser mirovekî bide eşkere kiriye! Ji bo ku edalet pêk were, çend binpêkirinên din hewce ne? An jî divê ku çend jiyan werin tunekirin! Aysel Tuğluk bûye sembola pirsgirêka Kurd, cudakarî û bêqanûniyê li vî welatî!"