ENQERE - 7 siyasetmedarên ku berî kongreya HDP'ê hatin binçavkirin birin Edliyeya Enqereyê. Îfadeya dozgeriyê ya siyasetmedaran dest pê kir. 

 

Berî 3'emîn Kongreya Awarte ya mezin ya Partiya Demokratîk a Gelan (HDP) di 9'ê Sibatê de Hevberdevkê Kongreya Demokratîk a Gelan (HDK) Prof. Dr. Onur Hamzaoglu, Hevberdevka Partiya Piştgiriyê ya Sosyalîst (SODAP) Kezban Konukçu, Berdevka Meclîsên Jinan a Sosyalîst (SKM) Fadime Çelebi, Hevserokên Partiya Kesk a Çep  Nacî Sonmez, Eylem Tuncaelî, Hevserokê Giştî yê Partiya Avahiya Nû ya Sosyalîst (SYKP) Ahmet Kaya û Cigira Hevseroka Giştî Ya Partiya Herêman a Demokratîk (DBP) Hacer Ozdemir hatibûn binçavkirin. Siyasetmedarên ku berî kongreyê hatin binçavkirin îro anîn Edliyeya Enqereyê. Hevseroka Giştî ya HDP'ê Pervîn Bûldan, Parlamenter Ayşe Acar Başaran û Sibel Yigitalp û Nûnerên Rêxistina Pîşeyê ji bo piştgiriyê hatin ber edliyeyê.