GIRKÊ LEGÊ - Di encama Erdheja li Başûr û Rojhilatê Kurdistanê rûda de Heyva Sor a Kurd konê komkirina alîkariyê veda.

 

Erdheja ku li Başûr û Rojhilatê Kurdistanê rûda bû sedem ku gelek kes mexdûr bibin. Li Girkê Legê ya herêma Dêrikê  bi armanca piştgiriya gelê Başûr û Rojhilatê Kurdistanê  Heyva Sor a Kurd  konê alîkariyê  veda.  

 

'Êşa Gelê Kurd yek e'

 

Hevseroka Heyva Sor a Kurd a Navçeya Girkê Legê Cemîla Temê wiha got:" Îro gelê me yê Başûr û Rojhilat rojên bi êş dijîn. Wekî Heyva Sor a Kurd me dest bi komkirina alîkariyan kir. Em hêvî dikin ku hinek be jî êşa gelê me kêm bibe. Em bang li tevahî gelê xwe dikin ku bi me re alîkar bin û em  brîna xwe bi hev re girê bidin.