Lîlav Elî-Ferîde Zede

 

EFRÎN- Bi hatina demsala zivistanê re rewşa jiyanê ya koçberên kampa rûbar her ku diçe xirab dibe û pêdiviyên koçberan ji bo parastina xwe ji demsala zivistanê  bikin kêm in.

 

Kampa Rûbar a girêdayî navçeya Şêrewa ya Herêma Efrînê di 2'yê Îlona 2014'an de  hatiye vekirin û armaca vê kampê jî ew e ku ku kesên ji şer reviyane li vê kampê bên bicikirin. Di kampê de 650 malbet dijîn. Lê belê xebatên derbarê xizmetguzarî û tenduristiya koçberan de gelekî lawaz in û gelek pêdiviyên koçberan ên xwarin û cilan hene.

 

Bi demsala zivistanê re pêdîvî zêde bûn

 

Têkildarî vê mijarê koçbera bi navê Meryem Abdo li ser êşa ku di demsala zivistanê de dijîn axivî û got: "Di demsala zivistanê de rewşa jiyanê ya koçberan gelek zehmet derbas dibe û pêdiviyên ku koçber di vê demsalê de xwe pê biparêzin jî kêm in. Meryemê wiha axivî: "Dema ku baran dibare konên ku em di wan de dijîn hemû dilopan dikin û dibin bi heriya sor.”

 

Banga alîkariyê hat kirin

 

Meryem Abdo herî dawî bang li tevahî rêxistinên nevneteweyî û mirovan kir ku alîkariya koçberan ji aliyê, aborî,xwarin,cil û pêdivîyên jiyanî de bê kirin. Koçber niha di rewşek gelek zahmet de dijîn û gelek pêdiviyên wan hene. Ji ber şert û mercên jiyanê zarokekî 11 salî jiyana xwe ji dest da." 

 

'Dewletên dagirker dest avêtin xewnên zarokan;'

 

Piştî ku gel koçî Efrînê kir ji bo jiyaneke aram û parastinê xwestin ku ciheke bi ewle bibînin. Lê dewleta tirk ya dagirker dîsa jî dev ji koçberan negeriya û her tim êrîşî kampa wan dike. Jinên wargehê li ser rewşa xwe anîn ziman ku aloziya sûriyeyê  û rewşa koçberiyê bandorê li ser jiyana wan dike û gelek caran xwenên zarokan ji wan hatine dizîn ji ber ku dewletên dagirker dest avêtin xewnên zarokan .