AMED - DFG’yî raporê binpêkerdişê heqan ê aşma nîsane weşan kerd. Rapor de ame vatiş ke rojnemgerîye sûc nîya ke muhakemekerdişê ci sûc bibo. Bê çapemenîya azad behsê komelê azade û demokratîkî nêeşkeno bêro kerdiş.

 

Komeleya Rojnamegeran ê Dicle Firat’î (DFG), bi wesîleya 3yê Gulanê Roja Azadîya Çapemenîye ya Dinya raporê binpaykerdişê heqê merdiman ê aşma nîsane eşkera kerd.

 

Rapor de wina ame vatiş:

 

“Ma reyke bîn 3ê Gulana Roja Azadîya Çapemenî ya Dinya, dorûverê zextî ser rojnamegeran de pêşwazî kenê. Astengî demê teqîpkerdişê xeberan de hetî sansurî, seba rojnamegeran seba ke xebere ra yenî muhakemekerdiş, hetî rojnamegerî ra operasyonê serê sibayî de ameyî destbendkerdiş, xeleka zextan zêde beno. Goreyê Rojnamegerê Sînornênasî (RSF) yê “Endeksê Azadîya Çapemenîya Dinya” Tirkîya kategorîya ‘tehluke’ de ca gêna. Tirkîya mabenê 180 welatan de rêza 159. de ca gêna. Tirkîya ke serra 2024î de rêza 158. ca girewt, serra 2025î de rêzêke kewt. Goreyê raporî, Tirkîya seba şert û mercê nêbaşî yê daraxê neteweyî de hewna kewta û kategorîya ‘zaf tehluke’ de menda.

 

Aşma nîsane de, sansûr hewna bêmaben verdewam kerd. Aşma nîsane de 172 hesabê medyaya dîjîtalî, xoresnayîşî ra ameyî girewtiş û 4 sîteyê înternetî zî ameyî astengkerdiş. 3ê Gulana Roja Azadîya Çapemenî ya Dinya de ma rayêka bîn nê waştişê xo ancî kenê; wa heme hevalê ma yê hepsî bêrê serbestveradayîş. Rojnemgerî sûc nîyo ke muhakemekerdişê ci sûc bibo! Bê çapemenîya azade behsê komelê azade û demokratîkî nêeşkeno bêro kerdiş.”