MERKEZÊ XEVERAN - TJCM, 5ine kongreya xo de bale ant serê rewşa Rayberê Şarê Kurdî Abdullah Ocalanî û azadîya ey yê fizîkî waşt.

 

Têgêrayîşê Cinîyanê Ciwanan ê Mexmûrî (TJCM) ê wargehê multecîyan ê Şehîd Rustem Cudî, vizêrî 5ine Kongreya xo ya bi sloganê ‘Ma do xo bi rêxistinkerde biresnê serkewtişî’ viraşt. Kongre bi tewrbîyayîşê hûmarêk zêde yê cinîyanê ciwanan, temsîlkarê sazgeh û komîteyan pê ame.

 

Salona kongreyî bi pankartê ‘Azadîya Rayber Apo Azadîya Ma Ya, Sosyalîzm Cuya Ma Ya’, ‘Jin, Jiyan, Azadî’, ‘Rayîrşîyayîşê Ciwanan Rayîrşîyayîşê Ver Bi Azadî Ra’, ‘Cinî Bi Xo Gerdûn a’ ame xemilnayîş. Badê rêzgirewtişê semedê cangorîyê azadîya Kurdistanî, Endamê Têgêrayîşê Cinîyanê Ciwanan Kajîn Ozek qiseykerdişê destpêkê kongre kerd.

 

Kajîn Ozek destpêk de kongre dîyarî Rayberê Şarê Kurd Abdullah Ocalanî kerd û wina va: “Ma a bawerî û hêvî de yê ke na kongre bibo wesîleya azadîya fîzîkî ya Rayber Apo. Mesajê Rayber Apo yê semedê cinîyan, bî wesîle ke na hîn zêdeyêr kar û xebatê xo birêxistin û xurtêr bikerê. Amancê ma yo sereyîn yê kongre o yo ke ma sey cinîyê ciwanî yê Mexmûrî, hîn zêdeyêr xebatanê xurt bikerê û xo biresnê cinîyê ciwanan yê bînî zî.”

 

Kongre bi sloganê "Bijî Serok Apo", "Bê Serok Jiyan Nabe" û "Jin Jiyan Azadî" peynî bî.