AMED - Mamosteyê Zarokistana Perperike semedê averşîyayîşê cuye ya rojane ya wendekaranê xo yê perwerdeyê zafziwanî vînenê aver berê, sey bingeh modelê perwerdeyê Montessorî gênê û xebatanê xo dewam kenê.

 

Şaredarîya Peyasî semedê wendekaranê xo yê qijan ê ke Zarokistana Perperîke yê girêdayeyê Mudirîyê Kultir û Karê Komelî de perwerdeyê zafziwanî vînenê, xebatê xo yê semedê averşîyayîşê cuya rojane ya tutan modelê perwerdeyê Montessorî dewam kena. Nêzdîbîyayîşê perwerdeyî de sey bingeh “bi kerdiş û bi îmtîhankerdişî musayîş” gênê dest û danê vernî. Na çarçewa de, tutî bi tewrbîyayîşêk rasterast dest bi prosesê perwerdeyê şitantişî kenê.

 

Bi xêrê nê îmtîhanî tutî prosesê berardişê xozayî musenê û jîyatbîyayîşê sey berpirsiyarî, sebir û xobawerî aver benê. Mamosteyê Zarokistana Perperike dîyar kerdî ke ê do bernameyê perwerdeyê musayîşê îmtîhanî ke cuye dir girêdaye yo dewam bikerê.