MERKEZÊ XEBERAN- Welatijê Kantonê Firatî semedê azadîya Rayberê Şarê Kurdî Abdullah Ocalanî rayîrşîyayîşêk girseyî organîze kerdî û vatî, "Rayber Apo eşkeno pêro meselayan çareser bikero. No zî bi azadîya ey mumkin o."

 

Bi hezaran welatijê Kantonê Firatî, semedê azadîya fîzîkî ya Rayberê Şarê Kurdî Abdullah Ocalanî bi sloganê "Azadîya fîzîkî ya Rayber Apo, qetîkerdişê komelê demokratîk o" rayîr ra şîyî.

 

Rayîrşîyayîş meydanê Jina Azad de dest pêkerd. Rayîrşîyayîşê girseyî de fotografê Rayberê Şarê Kurdî Abdullah Ocalanî û fotografê têkoşerê şorişî ameyî wedaritiş. Girseyê şarî bêmabên sloganê "Bîjî Serok Apo","Bê Serok jiyan nabe" û "Berxwedan jiyan e" berz kerdî.

 

Rayîrşîyayîş heta meydanê Aştî dewam kerd û uca deqeyêk rêze amî girewtiş, Hemserekê Heyetê Meclîsê Keyeyê Şehîdan ê Kantonê Firatî Mistefa Êto, qisey kerd û xoverdayîşê Abdullah Ocalanî silam kerd.

 

Mistefa Êto, dîyar kerd ke şar meydanan de azadîya fîzîkî ya Abdullah Ocalanî wazeno û va, “Rayber Apo eşkeno pêro meseleyan çareser bikero, no zî bi azadîya fîzîk ya Rayber Apo çareser beno. Ganî ma semedê azadiya fîzîkî ya Rayber Apo xoverdayîş û têkoşînê xo tewr xurt bikerê."

 

Rayîrşîyayîş bi sloganê "Bê Serok Jiyan nabe" peynî bî.