RIHA - Endama YJA Stare Binevş Altay 11ê çeleyî de hêrişê hewayî yê Hêzê Çekdarî yê Tirkan hemverê Garê de dinyaya xo bedelnaye. Semedê Binevş Altay bajarê aye Pirsûsî de şîn ame ronayîş û bi hawayêk girseyî serdayîşê şînê Binevş Altay ame kerdiş. 

 

Endama YJA Stare Binevş Altay (Doga Şîn) 11ê çeleyî de hêrişê hewayî yê Hêzê Çekdarî yê Tirkan hemverê Garê de dinyaya xo bedelnaye. Semedê Binevş Altay bajarê aye Pirsûsî şîn ame ronayîş û bi hawayêko girseyî serdayîşê şînê Binevş Altay ame kerdiş. Kesê şîyî şîn sloganê "Şehîd namirin" û "Ey şehîd xwîna tê li erdê namîne" berz kerdî. 

 

Serdayîş de deqeyêk rêzgirewtiş semedê yadkerdişê kesê ke têkoşînê demokrasî û azadîye de dinyaya xo bedelnayî, ame girewtiş. Parlamenterê DEM Partîye Omer Ocalan qisey kerd û va, "Ma sersaxî keyeyî rê wazenê. Babeta ke ma qal kenê na ya. No çî mûyêk adirî ra yo. Berdêlê pîlî wazeno. Xo ver dayî û no 50 serrî yo no têkoşîn dewam keno."

 

'Kênaya mi kênaya Kurdistanî ya'

 

Pîyê Binevş Altay, Selamî Altay sipasîya kesê ke şîyî şînî kerd û va, "Kênaya mi kênaya pêro Kurdistanî ya. Eke hewce bikero ma do tewrê nê têkoşînî bibê. Cayê sersaxî ma rê nêame dayîş. Vernê de vatî, 'temam', badê zî vatî 'nê'. Bi ma yarîye kerdî. Lazim o şarê ma nê dişminî bivîno.”

 

Serdayîş bi duayan peynî bî.