ANQARA - Roniştişê dewaya 69 kesê ke semedê tewrê yadkerdişê Qirkerdişê 10ê Teşrîna Verêne bîyî yenê muhakemekerdiş, semedê amadekerdişê mutalaayî ame taloqkerdiş. 

 

Bi sebebo ke tewrê yadkerdişê yewin serrgêra Qirkerdişê 10ê Teşrîna Verêne ya Garê Anqarayî bîyî, derheqê 69 kesan de dewa amebî akerdiş. Roniştişê 20ine ê dewa 13ine Dadgeha Cezaya Pêroyî ya Anqarayî de ame organîzekerdiş. Avûkatê Komeleya Hiqûqnasê semedê Azadîye (OHD) û Komeleya Huqûqnasê Hemdem (ÇHD) tewrê roniştişî bîyî. 

 

Roniştiş, bi tespîtkerdişê nasnameyan dest pêkerd. Badê zî dozgerî vat ke versûcan ra Caner Karataş dinyaya xo bedelnayo û qerarê betalbîyayîşê dewaya derheqê Caner Karataşî de neql kerd. 

 

Avûkatan semedê mutalaayî dem waşt. Dadgehe zî semedê eşkerakerdişê mutalaayî roniştişê dewa taloqê 24ê sibate kerd.