MERKEZÊ XEBERAN - Sereka Konseya Merkezî ya TTB’yî ya verê Şebnem Korur Fîncanci ke îdiayê “qijfistişê dewlete û sazgehê ci” ameyîne muhakemekerdiş, beraet kerd.

 

Sereka Konseya Merkezî ya Yewîya Doktoranê Tirkan (TTB) ê verê û endama Heyeta Îdarekare ya Weqfê Heqanê Merdiman ê Tirkîya (TÎHV) Prof. Dr. Şebnem Korur Fîncanci bi îdiayê “Dewlete û sazgehê dewlete qij fista” yena muhakemekerdiş. Roniştişê hîrên ê dewa 69ine Dadgeha Cezaya Pêroyî ya Stenbolî ame organîzekerdiş. Şebnem Korur Fîncanci û avûkate aye Oya Merîç Eyuboglû sebeb mojna û tewr nêbî. Serekê Pêroyî yê TÎHV’î Metîn Bakkalci, Temsîlkarê Stenbolî yê TÎHV’î Umît Efe, Rêxistina Efûyî ya Mîyanneteweyî, MLSA û xeylêk rojnamegeran roniştiş taqîb kerdî. 

 

Dozgerî roniştiş de vat ke hêmayê sûcî nêvirazîyayî û waşt qerarê beraetî bêro dayîş. Mutalaayê xo zî bi nê waştişî amade kerd. 

 

Dadgehe zî çarçewaya mutalaayê dozgerî de têgêrayîş û semedê Şebnem Korur Fîncanci qerarê beraetî da.