MERKEZÊ XEBERAN- Pêwa serd û hêrişê dewleta tirkan û çeteyanê aye, 43 rojî yo şar Awbendê Tişrînî de nobete gêno.

 

Karwanê şarî yo ke Qamişlo, Tirbespî, Amûdê û Til Hemîs ra ame Awbendê Tişrînî  dest bi nobedarîye kerd. Çalakîya nobedarîya şarî  tewrê hêriş û serdê zimistanî 43 rojî yo dewam kena.

 

Çalakîya xoverdayîşî ya ke verba hêrişanê Awbendê Tişrînî ser o yê 43 rojî yo dewam kenê. Reyna bi heme hêrişanê dewlete yê ke verba çalakîkeran ê zî, şar seba pawitişê Awbendî çalakîya xo domneno. 

 

Karwanê şarî yo ke welatîyanê Qamişlo, Tirbespî, Amûdê û Til Hemîsî ra ameyê Awbendî, nobete girewt û dest bi nobedarîye kerd. 

 

Dewleta tirkan û grûbanê paramîlîteran reyde 8ê kanûna 2024î ra nat hewa û erdî ra hêrişê Awbendê Tişrînî û Pirdê Qereqozaxî kena. Hêrişê dagirkeran xoverdayîşêko xurt ê şervananê YPJ û HSD’yî ver kuwenê. Şar zî tewrê hêrişan xoverdayîşî rê zî gamêk apey nêrzeno. 

 

Xoverdayîşê şarî 8ê çele de dest pêkerdbî. A roje ra 3 hebî rojnameger û bi desan sivîlî ameyî kiştene. Bi desan kesî zî birîndar bîyî.

 

Nobedarîya şarî roja xo ya 43ine de bi qerardarî dewam kena.