AMED - Bi wesîleya 21ê Sibate Roja Ziwanê Dayîke ya Dinya bi hemkarîya Meclîsanê Cinîyan ê Peyasî û Mudirîya Polîtîkayanê Cinîyan bi sloganê “Bi Qelema Cinî, Ziwanê Dayîke” Kitabxaneyê Cinîyan ê Parkê 75ine de panelêk organîze bikero.

 

Eynî roje de Mudirîya Karê Komelî û Kulturî yê Şaredarîya Peyasî, bi hemkarîya Komeleya Kultur, Huner û Edebîyatî yê Cinîyan KASED'î û Komeleya Dîcle ya Kultur û Hûnerî do panel û dîwanê dengbêjan organîze bikero.

 

Bernameyo ke ameyo amadekerdiş û pêro kesî dawet kerdê wina yo:

 

* 18ê sibate de, saete 14:00 Kitabxaneyê Berardişê Cinîyan yê Şaredarîya Peyasî bi sloganê “Bi Qelema Cinî, Ziwanê Dayîke”, bi moderatorîya Dîlan Guvenç, qiseykerdoxî û panelîstî Nuştoxe Leyla Saraç û Herdem Merwanî beşdar benê.

 

* 18ê sibate de, saete 17:30ine de Eywana Wendişî ya Arjen Arî de do panel û şewbihurkê dengbêjan bêro organîzekerdiş. Bi sloganê “Deng û Dîwan”, bi moderatorîya Bêrîvan Matyar, sey qiseykerdox û panelîst zî Weysî Varlî û Serwet Denîz beşdar bibê. Eynî wextî de dîwanê dengbêjan ra zî dengbêje Hedîye û Emerê Entaxî beşdar bibê.