MERKEZÊ XEBERAN - Encumana Adaletî ya Cinî û Heyetê Huqûq û Edaletî semedê heqê xo yê destûrê neweyî yê Sûrîye de bidê nuştiş, ‘Forûmê Heqnasî yê Şêwermendî’ organîze kenê.

 

Bi amancê naskerdişê heq û waştişê cinîyan ê destûrê neweyî yê Sûrîye de Encumana Adaletî ya Cinî û Heyetê Huqûq û Edaletî, forûmê heqnasî yê şêwermendî organîze kenê. Rêxistinê cinîyan, yewîya avûkatan, Koordînasyonê Cinîyan ê Îdarekarîya Xoserîya Demokratîke û temsîlkarê sazgehê komelê sivîlî zî mîyan de xeylêk cinî forûm de hadre bî.

 

‘Rolê cinîyan ê nuştişê destûrî de do pawitişê heqê cinî û deskewtişî bikero’

 

Endama Komîteya Hadrekerdişî ya Forûmê Heqnasî ya Şêwermendî Mizgîn Hesen qisey kerd. Mizgîn Hesen dîyar kerd ke bi rayîrê nê forûmî waştiş û heqê cinî yê destûrê neweyî yê Sûrîye de ê do munaqeşe bikerê û wina vat: “No forûm hetê Encûmena Adaletî ya Cinî û Heyetê Huqûq û Edaletî ya Vakûr û Rojhelatê Sûrîye ra ame organîzekerdiş. Mîyanê nê de bi desine rêxistinê cinîyan, temsîlkarê sazgehê komelê sivîlî û Yewîya Avûkatan hadre bîyî. Bi rayîrê nê forûmî ma eşkenê biresê waştiş û heqê cinîyan ê zereyê destûrê neweyî yê Sûrîye de. Nê prosesî de no çî muhîm o. Semedo je demê bêrê de kongreyêke neteweyî semedê nuştişê destûrî bêro awankerdiş, do rolê cinî ci de esas û muhîm bo. No semedê pawitişê heq û deskewtişê cinîyan ê Vakûr û Rojhelatê Sûrîye muhîm o.”

 

Forûm de do munaqeşe rewşa sîyasî ser o, rewşa cinî yê averşîyayîşê ke Sûrîye de yenê kerdiş, bêrê caardiş de ame kerdiş. Komê ke do semedê nê amancî bêrê awankerdiş, her yew do babetêke ser o munaqeşe bikero û netîceya ci do forûmî de bêrê munaqeşekerdiş. Forûm do bi pêşnîyazîyan peynî bibo.