RIHA - Hemverê hêrişê Vakur û Rojhelatê Sûrîye heta sînorê Pirsûs-Kobanê rayîrşîyayîş ame organîzekerdiş, şarî dest bi nobete kerd.

 

Bi serkêşîya Têgêrayîşê Cinîyanê Azadan (TJA), Partîya Herêmanê Demokratîke (DBP) û Partîya Têduştî û Demokrasî (DEM) qezaya Pirsûsî ya Rihayî de hemverê hêrişê dewleta tirkan û çeteyê aye yê girêdayeyê Artêşa Neteweyî yê Sûrîye (ASA) yê hemverê Vakur û Rojhelatê Sûrîye rayîrşîyayîş ame organîzekerdiş.  

 

Parlamenterê DEM Partîye yê Rihayî Omer Ocalan, Meclisê Dayîkê Aştîye yê Rihayî, Hemşaredarê Qezaya Rihayî û xeylêk kesî tewrê rayîrşîyayîşî bîyî. Rayîrşîyayîş de timî sloganê "Bijî berxedana Rojava", "Jin jiyan azadî", "Herder berxwedan herder Kobanê", "Bijî tekoşîna Rojava" ameyî berzkerdiş, girseyo ke ver bi wareyê nobete şî, dest bi çalakîye kerd. Girseyê şarî, nobeta xo bi govend û tilîliyan dewam keno.

 

Hemverê hêrişê Vakur û Rojhelatê Sûrîye ser o, do saetê bêrê de eşkerayîyêke çapemenîye bêro dayîş.