Rozerîn Gultekîn

 

STENBOL - Zîndanê Cinîyan ê Bakirkoyî de binpaykerdişê heqan roj bi roje giran benê. Heta sol û mîyanê porê tepişteyan yeno cigêrayîş û yew tîp yeno ferzkerdiş. Sînem Guzel  ke kênaya aye tepişte ya û hemsereka MATUHAY-DER’î Dîlek Sonmez Demîr, dîyar kerd ke ganî komel hemverê tedayan de vengê xo berz bikero.

 

Binpaykerdişê heqan ê zîndanan her ke şinê giran benê. Yew nê zîndanan ra zî Zîndanê Bakirkoyî yê Cinîyan o. Solan ra bigîrê, heta mîyanê porê tepişteyan yeno cigêrayîş û bêsolan vejîyayîşê pêvînayîşî ferz kenê. Sewbîna yew tîp cil û belgî tepişteyan rê yenê ferzkerdiş, Tepişteyan ra vanê ke leşkerî de yew tîp cil yenê xopaykerdiş  û nê ferz kenê. Sînem Guzel ke kênaya aye Hatîce Guzel zîndanê Bakirkoyî de tepişte ya û hemsereka Komeleya hetkarîya Keyeyê Tepişteyan ê Marmarayî (MATUHAY-DER) Dîlek Sonmez Demîr derheqê babete de qisey kerdî.

 

‘Mudiro newe îşkence tepişteyan rê keno’

 

Sînem Guzel vat, midûro newe ameyo zîndan, teda tepişteyan rê keno û bi bahaneyê keyfî têgêreno. Sînem Guzele wina vat: “Di aşmî verê semedo ke govende kerdê cezaya hucre dayî. Tay tepişteyî semedê hesabê înan de pere çinbî, bi rojan bêawe mendê û awe nêdayê înan. Cezaya hucreyî qedîya, ez na aşme şîya pêvînayîşê akerde la tepişteyî nêvejîyayî. Solê înan ameyî vetiş. Deterjanê cil û belgê û nivînanê înan rijnenê. Ê zî nê qebûl nêkenê. Tutê ma qebûl nêkenê ke warway vejîyê pêvînayîş. Ma şî pêvînayîş, ma nê protesto kerd. Muduro newe ameyo, îşkence tepişteyan rê keno. Pêwa her çî ma vanê aştî. Çira nê zulmî ma rê kenê.”

 

Sebebê ferzkerdişê yew tîpî: Leşkerî yew reng o

 

Hemsereka MATUHAY-DER’î Dîlek Sonmez Demîr zî dîyar kerd ke demêk derg o binpaykerdişê heqan zîndanan de dewam kenê û vat: “Bi taybetî zîndanê cinîyan ê Bakirkoyî de her ke şinê zêde benê. Heta porê înan, solanê înan de cigêrayîş kenê. Çend hewte verê, wexto ke pêvînayîşî de tepişteyan rê ferz kenê. La ê zî nê caardişan red kenê û nêvejîyenê pêvînayîş. Bi pûncan vejenê pêvînayîşê avûkatan. Binpaykerdişê heqan yê keyfî est ê. Vanê ke leşkerî zî yew reng o. Yew tîp, yew reng cil û belg ferz kenê. Tepişteyê ke bêhuqûqî qebûl nêkenê, bi cezayanê hucre yenê rî bi rî.”

 

‘Ganî her kes vengê xo berz bikero’’

 

Dîlek Sonmez Demîr wina qedêna: “Zîndanê Sakarya de sereyê xo şûtiş û şûtişê cilan de vera awa germe, awa serdine yena kerdiş. Na hedîse nîşaneyê tecrîdê giran yê Rayberê Şarê Kurdî Abdullah Ocalan ser o mojnena. Sey MATUHAY-DER’î ma têkoşînê xo bi averşîyayîşê metodê têkoşînî dewam kenê. Goreyê şert û mercê bîyaye û proseso ke do rî bido, ma do  têkoşînê xo bi averberdişê metodan dewam bikerê. Ganî şar vengê xo berz bikero û spiralê tersî vejîyo. Ganî veng û xoverdayîşêk komelî bibo.”