MERKEZÊ XEBERAN - Meclîsê Keyeyê Şehîdan ê kantonê Cizîrî, nameyê 2 kesê ke hêrişê Awbendê Tişrînî de ameyî qetilkerdiş, eşkera kerd.

 

Vizêrî teyareyê dewleta tirkan hêrişî nobedarê Awbendê Tişrînî kerd û netîce de 2 kesî ameyî qetilkerdiş û 21 kesî zî birîndar bîyî. Meclîsê Keyeyanê Şehîdan ê kantonê Cizîrî nameyê her di kesê ke ameyî qetilkerdiş, eşkera kerd. 

 

Nameyê kesê ke ameyî qetilkerdiş wina yê: Hezna Ebdê (Endama Hêzê Pawitişê Komelê-Cinî) û Mihyedîn Hisên Umer (Endamê Partîya Yewîya Demokratîke).

 

Her di kesî roja 21ê kanûne de semedê wezîfeyê nobedarî bi karwanêk welatijan dir şîbî Awbendê Tişrînî.