STENBOL - Operasyonî de ke merkezê ey Stenbol bî, rojnamegerê ke ameyî tepiştiş, seba ke îfadeyê înan bêro girewtiş, berdîyayî edlîye.

 

Cipersayîşo ke merkezê ey Stenbol bî, çarçewaya ci de 17ê Çeleyî de eştişanê keyeyan de rojnamegerê ke ameyî tepiştiş; Necla Demîr, Rahîme Karvar, Ehmed Guneş û Welat Ekîn emnîyet de karê înan qedîya. Rojnamegere Necla Demîr, Rahîme Karvar, Ehmed Guneş û Welat Ekîn, seba îfadeyê dozgerî yê Edlîyeyê Stenbolî yê Çaglayanî, ameyî ardene.

 

Heto bîn ra zî îfadeyê Reyhan Haciogluye ke Wanî de ameybî tepîştiş û yê Wedat Oruçî ke Mersînî de ameybî tepîştiş do bi Sîstemê Enformasyon ê Veng û Resimî (SEGBİSî) bêro girewtene.

 

Emniyetî de derheqê xeber û programanê munaqeşeyan de ke rojnamegeran kerdî, persî ameyê perskerdene û ameyî sucdarkerdiş. Emnîyetî de, derheqê naye ke çira tecrîdo ke Serekê PKKyî Abdullah Ocalanî ser o yo bîyo mewzuyê programan de zî persî ameyê perskerdiş.