STENBOL - Rojnamegerê ke bi waştişê tepiştişê Dadgerîya Ceza ya Sulhî ameyî kerdiş, îfadeyê xo danê. 

 

Rojnamegere Necla Demîr, Rahîme Karvar, Ahmet Guneş, Welat Ekîn, Vedat Oruç û Reyhan Hacioglû 17’ê Çeleyî de çarçewaya cipersayîşê merkezî ya Stenbolî ra destbend bîyî. Rojnamegerî, semedê îfadeyê dozgerî ardibî Edlîyeyê Stenbolî yê Çaglayanî. Dozgerî, vernîya îfadeyê rojnamegeran bigîro de bi îdiayê “endamîya rêxistine” sewqê dadgehe kerd. 

 

Ame zanayîş ke rojnamegeran dest bi dayîşê îfadeyan kerd. 

 

Rojnamegerî semedê xeberê ke viraştê û bernameyê ke viraştê yenê sûcdarkerdiş. Eynî wextî de rojnamegerî semedo ke bernameyê xo de ca dayê tecrîdê Rayberê PKK’yî Abdullah Ocalanî ser o, yenê sûcdarkerdiş.