Mîdye Miqted

 

HELEB - HPC Cinî, semedê pawitişê taxa xo, kîşte şerwanê pawitişê taxe çeperan danê awankerdiş. Fatme Mihemed û Şîlan Mihemed derheqê babete de dîyar kerdî ke semedê pawitişê taxa xo, çi înan ra bêro waştiş do bikerê û vatî: "Na herra ke pakrewanê ma canê xo semedê ci feda kerdê, dişminan rê nêverdê. Dişmin reyke bikero, ma do hezar rey cewabê înan bidê."

 

Şero ke hetê grubê çeteyan yê taxanê Şêx Meqsûd û Eşrefîye yê bajarê Helebî ser o ame destpêkerdiş, xêrê şerê şarê şorişêrî na taxe bi israr û xoverdayîşî taxe ser kewte. Bi no hawa bi yew ruhê welatijê taxe, Şêx Meqsûd cayê xo tarîxê xoverdayîşî de girewt.

 

Derheqê babete de Endamê HPC Cinî Fatme Mihemed û Şîlan Mihemed ajansê ma rê qisey kerdî.

 

'Ganî pêro kesî taxanê xo bipawê'

 

Destpêk de Fatme Mihemed wina qisey kerd: "Ez sey endamêk HPC Cinî bî 10 rojî yo ma kewtê çeperê vernî. Ma kîşte şervanê pawitişê Şêx Meqsûd û Eşrefîye çeperan de danê awankerdiş. Çi ma ra yeno waştiş ma kenê. Ewro ma paştîya şerwenanê xo de yê. Ewro ma bi karê xo, wayîrê keda pakrewananê xo vejîyenê. Ganî pêro kes bi yew ruhî bikewê pawitişê taxa xo, ewro dişmin serê ma de yeno. Ma zî eşkera vernîya dinya de nê dişminan dir şer kenê."

 

'Ma herra xo dişminan rê nêverdenê'

 

Peynîya qiseykerdişê xo de Fatme Mihemed vat, înan dinya rê dayo îsbatkerdiş û vat: "Ma nê rayîrî vera nêdanê. Tersê ma dişminî rê çin o. Ewro ma xo dinya rê dayo îspatkerdiş. Na herra ke pakrewanê ma canê xo semedê nê feda kerdê, dişminan rê nêverdenê. Dişmin reyke bikero ma do hezar rey cewabê înan bidê."

 

'Welatijê taxe zî ma dir benê hetkar'

 

Şîlan Mihemed zî wina vat: "Taxê Şêx Meqsûd û Eşrefîye yê bajarê Helebî bi şerê şarê şorişgêrî yenê şinasnayîş. Ewro ma reyke bîn tarîx rê agêrnenê. Şerwananê xo dir semedê pawitişê taxe ma cepheyan danê awankerdiş. Ewro wezîfeyê ma pêrûne yo ke ma taxa xo bipawê. Tena endamê HPCyî cepheyan nêdanê awankerdiş, welatijê taxe zî ma dir benê hetkar"

 

Peynîya qiseykerdişê xo de Şîlan Mihemed vat: "Çi ma ra bêro waştiş semedê pawitişê taxe, ma do bikerê û heta gonî bedenê ma de bibo, ma do kîşte şerwananê xo de bibê.”