AMED - Welatijî eleqeyêk pîl semedê Aşxaneyê Şarî ke hetê Şaredarîya Peyasî ra ameyo akerdiş, mojnenê. Semedê nê eleqeyî û waştişê şarî yê şaredarî, akerdişê şubeyê diyîn ê xebata xo dewam kenê.

 

Aşxaneyê Şarî ke hetê Şaredarîya Peyasî ra 27ê teşrîna peyêne de taxa Huzurevlerî de ame akerdiş, şar semedê werdê erjan, pak, weş û pêbawer peyda bikero, xêrcê yewşeme her roje saete mabêne 12.00-18.00 de xizmet dano. Aşxaneyê Şarî semedê hemwelatijê feqîr û wendekaran hetkarîyêk pîl mojneno û bi çar tewirê werdî roje de semedê panc sey kesan xizmet keno. 

 

Xebate semedê şubeyê diyîne est a 

 

Şaredarîya Peyasî semedê akerdişê şubeyê diyîne ê Aşxaneyê Şarî dest bi xebatan kerd. Şar, eleqeyêk pîl xebatan rê mojneno û hemwelatîjî wazenê ke her taxe de Aşxaneyê Şarî bibo. Bi taybetî nêzdîyê nêweşnaxeyan de şube abikerê. Şaredarîye zî goreyê nê waştişan û semedê problemê merdimê nêweşan yê derheqê werdî de bêrê çareserkerdiş, qerar da ke cayêk nêzdîyê Nêweşxaneyê Cigêrayîşê Amedî de şubeyê diyîne abikerê.