RIHA - Nobeta xoverdayîşê hemverê tayînkerdişê qeyûmî, Xelfetî de ameya destpêkerdiş roja 17ine de dewam kena. 

 

Nobeta xoverdayîşî ya qezaya Xelfetî ya Rihayî de hemverê tayînkerdişê qeyûman ameye destpêkerdiş, roja 17ine de dewam kena. Welatijê ke saetê rewî yê serê sibayî de ameyî vernîya awanîya şaredarîye ya ablûqakerdeyî, pankartê "Qeyûman rê nê, demokrasî" daliq nayî û dest bi nobete kerdî. 

 

Hemşaredarê Xelfetî Mehmet Karayilan û Saniye Bayram, kekê Rayberê PKKyî Abdullah Ocalanî, Mehmet Ocalan, Parlamenterê DEM Partîye yê Rihayî Ferît Şenyaşar û xeylêk kesî tewrê nobete bî. 

 

Xoverdayîşê şarî yê vernîya şaredarî dewam keno.