RIHA - Nobeta xoverdayîşî ke Xelfetî hemverê desteserkerdişê îradeyî dest pêkerd, roja xo ya 15ine de dewam kena. 

 

Nobeta xoverdayîşî ke badê qeyûm tayînê Şaredarîya Xelfetî ya Rihayî ame kerdiş, verê awanîya şaredarî dest pêkerd, roja xo ya 15ine de dewam kena. Mîtîngê "Demokrasî û Azadîye" yê vizêr Êlihî ame kerdiş, Xelfetî de tewrbîyayîşêk girseyî bî û çalakîya nobeta ya Xelfetî ya hemverê qeyûman ame organîzekerdiş.

 

Pêwa hewayê serdî zî welatijî saetê serê sibayî de ameyî verê şaredarîya Xelfetî û pankartê "Qeyûm nê, demokrasî," wareyê ke nobeta xoverdayîşî dewam kenê daliqnayî. Rêxistina qezaya Xelfetî ya DEM Partî û xeylêk kesî beşdarê nobeta xoverdayîşî ya bi serkêşîya Şaredarê Xelfetî Sanîye Bayram û Mehmet Karayilanî bî.

 

Heto bîn ra semedê pêgirewtişê rêxistina Partîya Têduştî û  Demokrasî (DEM Partî) yê Riha Hewag û Rêxistinê qezaya Bîrecûkî paştdayîş dayî nobeta xoverdayîşî. 

 

Nobeta xoverdayîşî ya verê awanîya şaredarîye ya ablûqakerdişî dewam kena.