RIHA - Nobeta xoverdayîşî ke badê tayînkerdişê qeyûmî verê Şaredarîya Xelfetî de dewam kerd, venga tewrbîyayîşê mîtîngê "Demokrasî û Azadî" yê siba do Elîh de bêro kerdiş, ame kerdiş.

 

Nobeta xoverdayîşî ke qezaya Xelfetî ya Rihayî de hemverê qeyûmî ame destpêkerdiş, roja 13ine de dewam kerd. Welatîjî saetê sera sibayî de ameyî verê awanîya şaredarîye ya ablûqakerde û pankartê “Qeyûm nê, demokrasî” û “Ma do bi xoverdayîş ser bikewê” daliqnayî. Hemşaredarê DEM Partî yê Şaredarîya Xelfetî Sanîye Bayram û Mehmet Karayilan û endamê rêxistina bajarî û qezaya Hatayî û rêxistinê DEM Partîye yê Sêwreg û Berecûkî pê ameyîne, serdayîşê çalakî kerdî.

 

Semedê tewrbîyayîşê mîtîngî vengdayîş

 

Hemserokê DEM Partîye yê bajarî Hatayî Seher Cevheroglu û Naîm Ozbek ke serdayîşê çalakîye kerdî, venga tewrbîyayîşê mîtîngê Êlihî do siba bêro kerdiş. Seher Cevheroglu vat, "Semedê 3 şaredarîyê ma yê ke ma bi îradeyê xo bi dest kerdî, ancî qeyûm tayîn kerdî. Do tu wext îradeyê ma nêeşkê asteng bikerê, şaredarî yê ma, şar, cinî, ciwanan ê. Nê semedî ra ma ameyî Xalfetî. Hemverê nê îşxalkerdişî ma pêro şarê xo dawetê mitîngê xo kenê." 

 

Girse, bi tilîlî û çepikan çalakîya xo dewam kerd.