AMED - DAKAP û Torra Têkoşînê Hemverê Şîdetî yê Amedî startê 25ê Teşrîna Peyêne bi şirawitişê kartê semedê tepişteyanê cinîyan, dest pêkerd.

 

Platformê Cinîyan ê Dîcle Amedî (DAKAP) û Torra Têkoşînê Hemverê Şîdetî yê Amedî bi wesîleya 25ê Teşrîna Peyêne Roja Têkoşînê Hemverê Şîdetî yê Cinîyanê Dinya, şubeyê PTTyî yê Ofîse yê qezaya Yenîşehîrî ya Amedî de cinîyanê tepişteyan rê qert şirawitî. Cinîyan vernê de verê PTTyî de eşkerayî dayî çapemenîye. Nameyê cinîyan ser o endama Yewîya Odaya Muhendîsan û Mîmaranê Tirkan (TMMOB) Kîymet Zengîn eşkerayîye wend.

 

 

‘Ma do fek têkoşîn ra vera nêdê’

 

Kiymet Zengîn vat: “Ma cinîyanê Colemêrgî, Esenyûrt, Êlih, Mêrdîn û Xelfetî dir hemverê yê ke bi polîtîkayê dişminî û milîtarîstî heqê şarê kurdan ê raydayîş û weçînayîşî desteser kenê, kîşte yewbînan de vinderê. Ma semedê Narîne, Rojîne, Evîne, 5 wayê û birayê ke şewat de dinyaya xo bedelnayî û pêro cinî û tutê ke ameyî qetilkerdiş, rastê şîdet, tacîz, tecawiz û cîyayî ameyî, waştişê edaletî kenê û ma dest bi çalakîyê aşma Teşrîna Peyêne kenê. Ma fek destkewtişê xo, heqê xo û têkoşînê xo vera nêdanê.”

 

Badê eşkerayî cinîyan, sloganê; "Jin jiyan azadî" berz kerdî û cinîyanê tepişteyan rê qert şirawitî.