RIHA - Nobeta xoverdayîşî yê hemverê tayînkerdişê qeyûmî yê hemverê Şaredarîya Xelfetî roja 10ine de dewam kena. Aktîvîstê TJA û sîyasetmedarê Dîlokî serdatîşê nobete kerdî. 

 

4ê teşrîna peyêne de qeyûm tayînê Şaredarîya Xelfetî ya Rihayî ame kerdiş. Xoverdayîşê hemverê qeyûmî roja 10ine de verê awanîya şaredarîye dewam keno. Nobeta ke verê awanîya şaredarî de ame destpêkerdiş pankartê "Qeyûm nê, demokrasî" ame daliqnayîş. Parlamenterê DEM Partî yê Rihayî Ferît Şenyaşar, hemşaredarê Xelfetî Mehmet Karayilan û rêxistinê DEM Partî yê bajarî û qezayan tewrê nobeta ewro bîyî. 

 

Nobeta ke bi serdayîş dewam kena, ewro aktîvîstê TJA, DBP, Rêxistinê DEM Partî yê bajar û qezayanê Dîlokî, Verfekê Komîsyonê Kede yê DEM Partî Mehmet Bozgeyik û bi desan kesî serdayîşê xoverdayîşî kerd. 

 

Girseyê ke Dîlok ra ameyî, bi slogan û tilîliyan ameyî pêşwazîkerdiş. Nobete de govende kerdî û qiseykerdiş kerdî.

 

Nobeta xoverdayîşî ya hemverê tayînkerdişê qeyûmî ameye destpêkerdiş, dewam kena.