MERKEZÊ XEBERAN - Komêke çalakîkerê heqê cinîyan ê Kurdistanî bi eşkerayîyêke cezaya dardekerdişî yê Werîşe Mûradî amebî birnayîş, şermezar kerd.

 

Dadgeha Şorişê Tehranî yê rejîmê Îranî vizêr bi tometê ‘endamîya rêxistina çekdarî yê hemverê Îranî’ cezaya dardekerdişî, tepişteyê sîyasî ya kurde û Endama Komeleya Cinîyanê Azadîyan ê Rojhelatê Kurdistanî (KJAR) Werîşe Muradî birna. Nêrazîbîyayîşê hemverê cezaya dardekerdişê her ke şino zêde beno. Na çarçewa de komêke çalakîkerê heqê cinîyan yê Kurdistanî, eşkerayîyêke pare kerd.

 

Eşkerayîye wina ya:

 

“Ma sey cinîyê azad î û têkoşerê Kurdistanî, cezaya dardekerdişî yê Werîşe Muradî rê ameye birnayîş, sey binpaykerdişêk eşkere yê heqê merdiman û karêk meşrû vînenê û bi şîdet şermezar kenê. Zêdebîyayîşê cezaya dardekerdişî û tepiştişî, cuya têkoşeranê cinîyan kerdê binê tehdîdêk cidî. Na rewşe semedê cinîyê têkoşer û şarê azadîwazî nîno qebûlkerdiş. Xêrcê têkoşînêk hembeş tu weçînayîşêk ma yê bînî çin o. Ganî ma pêro pîya, na rewşa nika derbaz bikerê û atmosferêk bi weşîye û munasib semedê xo û şarî awan bikerê.”