ANQARA - Komîsyonê Huqûq û Heqê Merdiman ê DEM Partîye, reaksîyon vera şîdetê polîsan ê wextê protestoyanê hemverê qeyûmî de mojna û vat: “Ganî derheqê polîs û amiranê înan yê sûcê îşkenceyî kenê de cipersayîş bêro destpêkerdiş.” 

 

Verfekê Komîsyonê Huqûq û Heqê Merdiman ê DEM Partîye Sevda Çelîk Ozbîngol û Ozturk Turkdogan eşkerayîyêke nuşteyî da. Eşkerayîye de wina ame vatiş: “Şar, hemverê derbeyê qeyûmî yê Mêrdîn, Êlih û Xelfetî de semedê wayîrvejîyayîşê îradeyê xo, bi rengêk demokratîk nêrazîbîyayîşê xo mojneno. Roja  ewilî ra hêzê asayîşî bi îşkence mudaxeleyê îşkence kenê. Sereştişê keyeyan de xeylêk welatijî bi îşkence ameyî destbendkerdiş.”

 

Dewamê eşkerayîye de wina ame vatiş: “Helwestê îşkencekaran ê hêzê asayîşî, sey polîtîkaya qeyûmî ya îqtîdarî nîşaneyê dişminîyê kurdan o. Ganî lezkî welatijê ke tena semedê çalakîya protestoyî ameyî destbendkerdiş, lezkî bêrê veradayîş û derheqê polîs û selahîyetdarê ke sûcê îşkence kerdê, lezkî karûbarê qanûnî bêrê destpêkerdiş.”

 

Peynîya eşkerayîye de ame dîyarkerdiş ke ê do semedê muhakemekerdişê îşkencekaran, proses taqîb bikerê.