ANQARA - Semedê wesîleya aşma 154ine ê Qirkerdişê Roboskî eşkerayîye ame dayîş. Eşkerayî de wina ame vatiş: “Ma xo vîr ra nêkerd, ma do xo vîr ra nêkerê û nêdê xovîrrakerdiş.” 

 

Hewldayîşê Edaletî yê semedê Roboskî bi wesîleya aşma 154ine ê qirkerdişê serê Cadeyê Sakaryayî yê Anqarayî de eşkerayîye ame dayîş. Eşkerayîye de pankartê “Roboskî êdî tu wext” ame girewtiş. 

 

Endamê hewldayîşî Tanju Gunduzalp bale ant hêrişê dewleta tirkan ê Vakur û Rojhelatê Sûrîye ser o û wina vat: “Ganî îdarekarî fek sîyasetê xo yê bombavarankerdişê sivîlî yê teberê sînorî vera bidê û berê aştîye heta peynî abikerê. Şer nê la sîyasetê aştîye eşkeno keyfê şarî bîyaro.” 

  

Tanjuyî dewam de wina vat: “Qirkerdişê Roboskî zî jî mîyan de ma do heta peynî heqê xo yê îtîrazî hemverê pêro qirkerdişî, şer û şîdetî ca bîyarê. Sebebê çîyê nika ma ciwîyenê, polîtîkaya nêcezakerdişî, şer û nêbîyayîşê edaletî yê dewlete yo. Ma hetê cigêrayîşê edaletî, têduştî û cuyêka aştîye gêrenê. Ma xo vîr ra nêkerd, ma do xo vîr ra nêkerê û nêdê xovîrrakerdiş.”