KOCAELÎ - Ame dîyarkerdiş ke 3 tepişteyê sîyasî yê Zîndanê Padayeyê Asayîşê Berzî yê Hûmara 1ine Kandirayî de bi sebebê cezaya înan ê muebbetî ameya tesdîqkerdiş, kerdê hucreyê nêpakî. Ame zanayîş ke yew tepişteye Dîlber Tanrikûlû ke lîsteyê tepişteyanê nêweşan ê ÎHDyî de ca gêna û bi tena sereyê xo nêeşkena biciwîyo, tepişteyê bînî zî waştî ke şert û mercê înan bêrê başkerdiş.

 

Tepişteyê sîyasî Dîlber Tanrikulu, Gulşen Bahadir û Zozan Kutum yê ke Zîndanê Padeye yê Asayîşê Berzî yê Hûmara 1ine Kandirayî de bî, bi sebebê ke cezaya înan ê muebetî ameya tesdîqkerdiş, kerdî hucrêyê bêşert û mercê pakitî yê yew kesî.

 

Înan berdî hucreyê ke întîhar pê ame

 

Tepişteyan bale antî serê şert û mercê xo yê pêvînayîşê keyeyan dir û dîyar kerdî hucreyê ke înan berdî odayê ke rapor ci de ameyîne girewtiş, yanî odayê ke verê întîhar ci de ameyo kerdiş. Tepişteyan bi rayîrê keyeyê xo şert û mercê xo wina ardî ziwan: “Ma mîyanê mereyan de yê. Wareyê cuya ma de pakitî çin a. Mutfak, banyo û tuwalet yew ê. Uca cayê hawayêk qij est o  û boya hewananê merdeyan yena. No ca merdim nêeşkeno biciwîyo. Cuyêka wina çin a. Derûdorî de pakitî çin a. Problemê hevalanê ma yê ke weşîye înan est a û nêeşkenê bi tena biciwîyê."

 

Ame dîyarkerdiş ke yew tepişteye Dîlber Tanrikûlû lîsteyê tepişteyê nêweşan ê Komeleya Heqê Merdiman (ÎHD) de ca gêna û mîyanê tepişteyan de tepişteyêke tena bi sereyê xo biciwîyo est a.